aik yaad or aik khwahish
Aik yaad or Aik khwahish
ﺍﯾﮏ ﻣﺘﻤﻮﻝ ﮐﺎﺭﻭﺑﺎﺭﯼ ﺷﺨﺺ ﺍﭘﻨﯽ ﻧﺌﯽ ﮐﺎﺭ ﭘﺮ ﺳﻮﺍﺭ
ﺳﮍﮎ ﭘﺮ ﺭﻭﺍﮞ ﺩﻭﺍﮞ ﺗﮭﺎ ﮐﮧ ﺩﺍﺋﯿﮟ ﻃﺮﻑ ﺳﮯ ﺍﯾﮏ ﺑﮍﺍ ﺳﺎ
ﭘﺘﮭﺮ ﺍُﺳﮑﯽ ﮐﺎﺭ ﮐﻮ ﺁ ﭨﮑﺮﺍﯾﺎ۔ ﺍُﺱ ﺷﺨﺺ ﻧﮯ ﮐﺎﺭ ﺭﻭﮎ ﮐﺮ
ﺍﯾﮏ ﻃﺮﻑ ﮐﮭﮍﯼ ﮐﯽ ﺍﻭﺭ ﺗﯿﺰﯼ ﺳﮯ ﻧﯿﭽﮯ ﺍُﺗﺮ ﮐﺮ ﮐﺎﺭ ﮐﻮ
ﭘﮩﻨﭽﻨﮯ ﻭﺍﻟﮯ ﻧﻘﺼﺎﻥ ﮐﻮ ﺩﯾﮑﮭﻨﺎ ﭼﺎﮨﺎ, ﺍﻭﺭ ﺳﺎﺗﮫ ﮨﯽ ﯾﮧ
ﺑﮭﯽ ﮐﮧ ﭘﺘﮭﺮ ﻣﺎﺭﺍ ﮐﺲ ﻧﮯ ﺗﮭﺎ !! ﭘﺘﮭﺮ ﻟﮕﻨﮯ ﻭﺍﻟﯽ ﺳﻤﺖ
ﻣﯿﮟ ﺍُﺳﮑﯽ ﻧﻈﺮ ﮔﻠﯽ ﮐﯽ ﻧﮑﮍ ﭘﺮ ﮐﮭﮍﮮ ﺍﯾﮏ ﻟﮍﮐﮯ ﭘﺮ ﭘﮍﯼ
ﺟﺲ ﮐﮯ ﭼﮩﺮﮮ ﭘﺮ ﺧﻮﻑ ﺍﻭﺭ ﺗﺸﻮﯾﺶ ﻋﯿﺎﮞ ﺗﮭﯽ۔ ﺁﺩﻣﯽ
ﺑﮭﺎﮒ ﮐﺮ ﻟﮍﮐﮯ ﮐﯽ ﻃﺮﻑ ﻟﭙﮑﺎ ﺍﻭﺭ ﺍُﺳﮑﯽ ﮔﺮﺩﻥ ﮐﻮ
ﻣﻀﺒﻮﻃﯽ ﺳﮯ ﺩﺑﻮﭺ ﮐﺮ ﺩﯾﻮﺍﺭ ﭘﺮ ﻟﮕﺎﺗﮯ ﮨﻮﺋﮯ ﭘﻮﭼﮭﺎ؛ ﺍﮮ
ﺟﺎﮨﻞ ﻟﮍﮐﮯ, ﺗﻮ ﻧﮯ ﻣﯿﺮﯼ ﮐﺎﺭ ﮐﻮ ﭘﺘﮭﺮ ﮐﯿﻮﮞ ﻣﺎﺭﺍ ﮨﮯ؟
ﺟﺎﻧﺘﮯ ﮨﻮ ﺗﺠﮭﮯ ﺍﻭﺭ ﺗﯿﺮﮮ ﺑﺎﭖ ﮐﻮ ﺍِﺳﮑﯽ ﺑﮩﺖ ﺑﮍﯼ
ﻗﯿﻤﺖ ﺍﺩﺍ ﮐﺮﻧﯽ ﭘﮍﮮ ﮔﯽ۔ ﻟﮍﮐﮯ ﻧﮯ ﺑﮭﺮﺍﺋﯽ ﮨﻮﺋﯽ ﺁﻧﮑﮭﻮﮞ
ﺳﮯ ﺍُﺱ ﺁﺩﻣﯽ ﮐﻮ ﺩﯾﮑﮭﺘﮯ ﮨﻮﺋﮯ ﺑﻮﻻ؛ ﺟﻨﺎﺏ ﻣﯿﮟ ﻧﮯ ﺟﻮ
ﮐُﭽﮫ ﮐﯿﺎ ﮨﮯ ﺍُﺳﮑﺎ ﻣﺠﮭﮯ ﺍﻓﺴﻮﺱ ﮨﮯ۔ ﻣﮕﺮ ﻣﯿﺮﮮ ﭘﺎﺱ
ﺍﺳﮑﮯ ﻋﻼﻭﮦ ﮐﻮﺋﯽ ﺍﻭﺭ ﭼﺎﺭﮦ ﻧﮩﯿﮟ ﺗﮭﺎ۔ ﻣﯿﮟ ﮐﺎﻓﯽ ﺩﯾﺮ
ﺳﮯ ﯾﮩﺎﮞ ﭘﺮ ﮐﮭﮍﺍ ﮨﻮ ﮐﺮ ﮔﺰﺭﻧﮯ ﻭﺍﻟﮯ ﻟﻮﮔﻮﮞ ﮐﯽ ﺗﻮﺟﮧ
ﺍﭘﻨﯽ ﻃﺮﻑ ﻣﺒﺬﻭﻝ ﮐﺮﺍﻧﮯ ﮐﯽ ﮐﻮﺷﺶ ﮐﺮ ﺭﮨﺎ ﮨﻮﮞ ﻣﮕﺮ
ﮐﻮﺋﯽ ﺑﮭﯽ ﺭُﮎ ﮐﺮ ﻣﯿﺮﯼ ﻣﺪﺩ ﮐﺮﻧﮯ ﮐﻮ ﺗﯿﺎﺭ ﻧﮩﯿﮟ۔ ﻟﮍﮐﮯ
ﻧﮯ ﺁﺩﻣﯽ ﮐﻮ ﮔﻠﯽ ﮐﮯ ﻭﺳﻂ ﻣﯿﮟ ﮔﺮﮮ ﭘﮍﮮ ﺍﯾﮏ ﺑﭽﮯ
ﮐﯽ ﻃﺮﻑ ﺍِﺷﺎﺭﮦ ﮐﺮﺗﮯ ﮨﻮﺋﮯ ﺑﺘﺎﯾﺎ؛ ﻭﮦ ﻣﯿﺮﺍ ﺑﮭﺎﺋﯽ ﮨﮯ ﺟﻮ
ﻓﺎﻟﺞ ﮐﯽ ﻭﺟﮧ ﺳﮯ ﻣﻌﺬﻭﺭ ﺍﻭﺭ ﭼﻠﻨﮯ ﭘﮭﺮﻧﮯ ﺳﮯ ﻗﺎﺻﺮ ﮨﮯ۔
ﻣﯿﮟ ﺍِﺳﮯ ﭘﮩﯿﻮﮞ ﻭﺍﻟﯽ ﮐُﺮﺳﯽ ﭘﺮ ﺑِﭩﮭﺎ ﮐﺮ ﻻ ﺭﮨﺎ ﺗﮭﺎ ﮐﮧ
ﺳﮍﮎ ﭘﺮ ﭘﮍﮮ ﺍﯾﮏ ﭼﮭﻮﭨﮯ ﮔﮍﮬﮯ ﻣﯿﮟ ﭘﮩﯿﮧ ﺍﭨﮑﻨﮯ ﺳﮯ
ﮐُﺮﺳﯽ ﮐﺎ ﺗﻮﺍﺯﻥ ﺑﮕﮍﺍ ﺍ ﻭﺭ ﻭﮦ ﻧﯿﭽﮯ ﮔﺮ ﮔﯿﺎ۔ ﻣﯿﮟ ﻧﮯ
ﮐﻮﺷﺶ ﺗﻮ ﺑﮩﺖ ﮐﯽ ﮨﮯ ﻣﮕﺮ ﺍﺗﻨﺎ ﭼﮭﻮﭨﺎ ﮨﻮﮞ ﮐﮧ ﺍُﺳﮯ
ﻧﮩﯿﮟ ﺍُﭨﮭﺎ ﺳﮑﺎ۔ ﻣﯿﮟ ﺁﭘﮑﯽ ﻣﻨﺖ ﮐﺮﺗﺎ ﮨﻮﮞ ﮐﮧ ﺍُﺳﮯ ﺍُﭨﮭﺎﻧﮯ
ﻣﯿﮟ ﻣﯿﺮﯼ ﻣﺪﺩ ﮐﯿﺠﯿﺌﮯ ۔ ﻣﯿﺮﮮ ﺑﮭﺎﺋﯽ ﮐﻮ ﮔﺮﮮ ﮨﻮﺋﮯ
ﮐﺎﻓﯽ ﺩﯾﺮ ﮨﻮ ﮔﺌﯽ ﮨﮯ ﺍِﺳﻠﺌﮯ ﺍﺏ ﺗﻮ ﻣﺠﮭﮯ ﮈﺭ ﺑﮭﯽ ﻟﮓ ﺭﮨﺎ
ﮨﮯ۔۔۔ ﺍِﺱ ﮐﮯ ﺑﻌﺪ ﺁﭖ ﮐﺎﺭ ﮐﻮ ﭘﺘﮭﺮ ﻣﺎﺭﻧﮯ ﮐﮯ ﺟُﺮﻡ ﻣﯿﮟ
ﻣﯿﺮﮮ ﺳﺎﺗﮫ ﺟﻮ ﺳﻠﻮﮎ ﮐﺮﻧﺎ ﭼﺎﮨﯿﮟ ﮔﮯ ﻣﯿﮟ ﺣﺎﺿﺮ
ﮨﻮﻧﮕﺎ۔ ﺁﺩﻣﯽ ﺍﭘﻨﮯ ﺟﺬﺑﺎﺕ ﭘﺮ ﻗﺎﺑﻮ ﻧﮧ ﺭﮐﮫ ﺳﮑﺎ, ﻓﻮﺭﺍ ﺍُﺱ
ﻣﻌﺬﻭﺭ ﻟﮍﮐﮯ ﮐﯽ ﻃﺮﻑ ﻟﭙﮑﺎ, ﺍُﺳﮯ ﺍُﭨﮭﺎ ﮐﺮ ﮐﺮﺳﯽ ﭘﺮ
ﺑﭩﮭﺎﯾﺎ, ﺟﯿﺐ ﻣﯿﮟ ﺳﮯ ﺍﭘﻨﺎ ﺭﻭﻣﺎﻝ ﻧﮑﺎﻝ ﮐﺮ ﻟﮍﮐﮯ ﮐﺎ ﻣﻨﮧ
ﺻﺎﻑ ﮐﯿﺎ, ﺍﻭﺭ ﭘﮭﺮ ﺍُﺳﯽ ﺭﻭﻣﺎﻝ ﮐﻮ ﭘﮭﺎﮌ ﮐﺮ , ﻟﮍﮐﮯ ﮐﻮ
ﮔﮍﮬﮯ ﻣﯿﮟ ﮔﺮ ﮐﺮ ﻟﮕﻨﮯ ﻭﺍﻟﻮﮞ ﭼﻮﭨﻮﮞ ﭘﺮ ﭘﭩﯽ ﮐﯽ۔۔ ﺍﺳﮑﮯ
ﺑﻌﺪ ﻟﮍﮐﮯ ﻧﮯ ﺁﺩﻣﯽ ﺳﮯ ﭘﻮﭼﮭﺎ؛ ﺟﯽ ﺟﻨﺎﺏ, ﺁﭖ ﺍﭘﻨﯽ ﮐﺎﺭ
ﮐﮯ ﻧﻘﺼﺎﻥ ﮐﮯ ﺑﺪﻟﮧ ﻣﯿﮟ ﻣﯿﺮﮮ ﺳﺎﺗﮫ ﮐﯿﺎ ﺳﻠﻮﮎ ﮐﺮﻧﺎ
ﭼﺎﮨﺘﮯ ﮨﯿﮟ? ﺁﺩﻣﯽ ﻧﮯ ﻣﺨﺘﺼﺮ ﺳﺎ ﺟﻮﺍﺏ ﺩﯾﺎ؛ ﮐﭽﮫ ﺑﮭﯽ
ﻧﮩﯿﮟ ﺑﯿﭩﮯ, ﻣﺠﮭﮯ ﮐﺎﺭ ﭘﺮ ﻟﮕﻨﮯ ﻭﺍﻟﯽ ﭼﻮﭦ ﮐﺎ ﮐﻮﺋﯽ
ﺍﻓﺴﻮﺱ ﻧﮩﯿﮟ ﮨﮯ۔ ﺁﺩﻣﯽ ﺍُﺩﮬﺮ ﺳﮯ ﭼﻼ ﺗﻮ ﮔﯿﺎ ﻣﮕﺮ ﮐﺎﺭ
ﮐﯽ ﻣﺮﻣﺖ ﮐﯿﻠﺌﮯ ﮐﺴﯽ ﻭﺭﮐﺸﺎﭖ ﮐﯽ ﻃﺮﻑ ﻧﮩﯿﮟ, ﮐﺎﺭ ﭘﺮ
ﻟﮕﺎ ﮨﻮﺍ ﻧﺸﺎﻥ ﺗﻮ ﺍُﺱ ﻧﮯ ﺍِﺱ ﻭﺍﻗﻌﮧ ﮐﯽ ﯾﺎﺩﮔﺎﺭ ﮐﮯ ﻃﻮﺭ
ﭘﺮ ﻭﯾﺴﮯ ﮨﯽ ﺭﮨﻨﮯ ﺩﯾﺎ ﺗﮭﺎ, ﺍِﺱ ﺍﻧﺘﻈﺎﺭ ﮐﮯ ﺳﺎﺗﮫ ﮐﮧ ﺷﺎﯾﺪ
ﮐﻮﺋﯽ ﺍﻭﺭ ﻣﺠﺒﻮﺭ ﺍﻧﺴﺎﻥ ﺍُﺱ ﮐﯽ ﺗﻮﺟﮧ ﺣﺎﺻﻞ ﮐﺮﻧﮯ
ﮐﯿﻠﺌﮯ ﺍُﺳﮯ ﺍﯾﮏ ﭘﺘﮭﺮ ﮨﯽ ﻣﺎﺭ ﺩﮮ۔
No comments